Vawiin July ni 6 hi Mizo Hmeichhe Insuihkhawm Pawl (MHIP) din champha vawi 40-na a ni a, Pathianni anih avangin MHIP General Headquarters chuan Branch hrang hrangte chu mahni remchan dan ang anga hmang turin an ti a, nimin lama Day lawm engemaw zat an awm a, naktuk lama hmang tur pawh Branch thahnem tak an awm bawk. MHIP Gen.Hqrs. hruaitute chu hmun hrang hrangah insemdarhin MHIP Day hi an hmanpui a ni. MHIP Gen. Hqrs. chuan Mizoram chhung leh pawn MHIP member zawng zawngte ‘MHIP Day’ chibai an buk a, hlim taka hmang turin duhsakna hlanin, an Motto ‘Mite Tanpui’ a nih anga midangte tana malsawmna ni turin branch te an ngen.