Aizawl: Nikum 2019 chhung khan TB vei nia rinhlelh mi 17171 exam an ni a, chung zingah mi 2927-te chuan TB an vei tih hmuh chhuah an ni.

National TB Elimination Programme 3rd & 4th Quarter 2019 Review Meeting-a tarlan a nih danin nikum 2019 chhung khan TB vei nia rinhlelh mi 17171 exam an ni a, chung zingah mi 2927 te chuan TB an vei tih hmuhchhuah an ni a. Heng zinga 38-te hi private atanga hmuhchhuah an ni a, MDR-TB vei hi mi 109 hmuhchhuah an ni bawk a. TB vei hi 93% tih dam an ni a. Kum 2018 chhunga TB vei hmuh chhuah aiin mi 428-in an tam zawk a ni.

TB vei hmuh chhuah zawng zawng zinga 12 te hi clinic atanga hmuhchhuah ni lovin Department-a thawktuten TB hmu chhuak tura an feh chhuah (Active Case Finding) atanga hmuh chhuah a ni a. Mi 20,000 chuang endik an ni. Active case finding-ah hian TB programme lama thawkte kalchhuakin mihring awmkhawm tamna hmun Jail, Home hrang hrang, TB case tamna etc. te tlawhin endik thin an ni.