June 1, 2023; Ruihhlo tawlhtu pathum (Myanmar lam mi pakhat telin) man niin, ruihhlo tam tham tak man a ni bawk.

Nizan (31.5.2023) khan Dungtlang Police Checkgate duty-te chuan Heroin, Kg 1.418 (hawng 115), international market-a cheng vaibelchhe 7 chuang man chu, 1) Chungmangbawih s/o Thanhleisum, Thipchang, Myanmar, 2) Malsawmtluanga s/o Lalmawizuala, Zokhawthar leh 3) Parcheri  w/o Chungzauk, Zokhawthar nia inchhalte kut atangin an man.

An vai hian lirthei pakhat (Breeza) hmangin Khawmawi, Myanmar atangin Saikhumphai kaltlangin Khawbung pan mek an ni. Dungtlang PS-ah thubuai, 21(c)/29/25 ND&PS Act r/w 14(A) Foreigners Act hnuaiah ziahluh niin a kaihhnawih dangte chhuizui mek a ni.