Aizawl: Nimin chhun dar 12:30 khan Champhai Zotlang ah maxi cab-in mi a su a, khawtlang thinrim chuan maxi cab hi an hal.

Maxi cab MZ 04- 4486 hi Hmangaihsanga s/o Lalhlira (L) , Bulfekzawl chuan khalhin Champhai atanga a lo chhuak chuan world bank kawng siamtu Tarmat hnathawk hnam dang 2 chu a su a, helai hnaia lo awmten auh din an tum chu ding duh lovin Champhai Zotlang Dawrkawn-a nilum aia lo thu Mualkawi kohhran Tual Upa C.Khawllianthanga (55) s/o Chalchhunngura chu a su leh a, ka pawh chhawn lovin a boral nghal. A sutna bula loawm mi 2-in hliam an tuar bawk

Mipui thinrim chuan driver hi kut an thlak nual a, lirthei pawh hi an hal nghal a ni. Pawikhawihtu hi police-te chuan man in jail-ah an dah nghal.