ZALEN Oct. 25, 2024; Tunkar nilaini (23.10.24) atanga chin hriat loh a awm, Lalnunmawia (38), Vairengte kawngthar veng chu vawiin chawhnu dar 2 vel khan thiin hmuh a ni.

Vairengte atanga ZALEN thudawn danin, Lalnunmawia hi an chenna, (Vairengte kawngthar veng) atanga hla vak lo-ah thi a hmuh a ni a, rin danah chuan a chawhmeh la In thleng zo lo in kawng lakah a boral nia thudawn a ni a, a ruang an hmuhna hmun hi an chenna thlang lawk, ramhnuai-ah a ni. Lalnunmawia hi zanin dar 8:30 ah vui nghal a ni dawn nia thudawn a ni.

Tarlan tawh angin, Lalnunmawia (38) hi tunkar Nilaini chawhma dar 9:30 khan an in chhuahsanin, chawhmeh zawng turin a chhuak a, hemi a chhuak hi chin hriat lohin a awm zui a ni.