Indian Air Force (IAF) chuan indo thlawhna, MiG-21 fighter squadron an la neih lai pali chu kum thum chhunga chawlh zawhtir an tum a, September hian pakhat chu a chawl tawh dawn bawk niin an sawi a. MiG-29 pawh chawlhtir an tum hnai.

IAF hian MiG-29 fighter jet hi squadron thum an la nei a, kum nga lo awm leh tur chhungin an chawlhtir  vek dawn niin Press Trust of India hnenah an sawi.

Soviet siam indo thlawhnate hnawl tur hi IAF-in intihchangkan zel an tumna a vang a ni a, Ningani zana Barmer, Rajasthan-a MiG-21 jet a tlak nen inkaihhnawihna a nei lo niin an sawi.

MiG-21 tlaaih hian Wing Commander M Rana leh Flight Lieutenant Advitiya Bal an thi a, he thlawhna upa tawh tak hian sawisel a hlawh thar phah.

Srinagar-a hmunpui nei, No 51 squadron chu September 30-ah an chawl vek tawh dawn a. He squadron-ah hian thlawhna 17-20 a awm.

‘Swordarms’ tia an sawi hi kum 1999-a Kargil indonaa ‘Operation Safed Sagar’-ah khan thawhhlawk tak niin February 27, 2019-a India-in a thenawm rama Balakot a kah tuma Pakistan-in an chhan letna lo beih letnaah pawh an tangkai hle tawh bawk.