DOWNLOAD OUR APP

Read latest news on your phone
app-store

Mihring hmanga sumdawnna tuartu mi 95 chhanchhuak tawh

Sep 20, 2022

India ram state dangte khaikhinin Mizoramah human trafficking (mihringa sumdawnna) thubuai tam lo mah se, kum tin deuh thaw thubuai a awm a, international human trafficking ti thinte'n Mizoram chu kalkawngah an hman thin.

September 20; 2022; Mizoramah kum 2000 atanga kumin August thlengin human trafficking (mihring hmanga sumdawnna) thubuai 35 ziahluh a ni tawh a, trafficking tuartu mi 95 chhanchhuah tawh an ni.

Mizoram police hotute sawi danin, kum 2000 atangin human trafficking thubuai kan nei tana, case kan ngah ber kumah case pasarih (7) ziahluh a ni. 

Kum 2000 atanga kumin thlenga thubuai ziahluh tawh zat chu 35 a ni a, trafficking tuartu hi an vaiin 95,  puitling 62 leh naupang 33 chhanchhuah tawh niin, a mawhphurtua puh Mizo 47 leh hnamdang 17 thubuai siam sak an ni tawh.

Police hotute chuan foreign a hna zawngte leh India ram khawpui lian zawka hna zawngte chungah hetiang hi a thleng nasa bik tih an sawi a, an hnathawhna ram azira han umzui mai harsa deuh te pawh a awm a, an va awmna hmuna Mizo Welfare ten nasa takin hetiang tuartute chhanchhuahna kawngah Police te an tanpui thin thu an sawi.

India ram state dangte khaikhinin Mizoramah mihringa sumdawnna thubuai tam lo mah se, kum tin deuh thaw thubuai a awm a, international human trafficking ti thinte'n Mizoram chu kalkawngah an hman ṭhin thu leh, human trafficking do turin Police hnuaiah Anti-Human Trafficking Unit din a nih thute an sawi bawk.

Share now