Aizawl: Nimin khan ICT Minister Robert Romawia Royte chuan N. Serzawl khua in zirlai pass tharte chawimawina hun an neih a hmanpui.

North Serzawl Education Committee buatsaiha zirlai pass tharte chawimawina hun ah hian khuallian ICT Minister Robert Romawia Royte chuan North Serzawl Education Committee in zirna kawnga hma an lakdan chu fakawm a tih thu a sawi a, zirlai naupang te chu taima taka an zirlai zir tur leh an khaw chhuak mi ropui tak tak te chu entawn turin a fuih.

Sports Minister ni bawk hian Sesawng hmuna sports complex siamna hmun tura khawtlangin an rawtna hmun chu a tlawh bawk a. Minister chuan bialtu Speaker in a ngaihpawimawh avangin Sesawng Sports Complex a hlawhtlin theihnan sawrkarin theihtawp a chhuah tur thu a hrilh a, MSSC Engineer ten uluk zawkin an endikin an teh zui nghal a ni.