February 5, 2024; CM Lalduhoma'n ni 100 chhunga an tihhlawhtlin tur a lo puan tawh angin, minister tin office ah complaint box leh suggestion box dah tawh a ni.

ZALEN thudawn danin, complaint box leh suggestion box hi minister tin office ten tha takin an dawngsawng/vil mek a, a tha thei ang berin heng box a complaint leh suggestion tla te chu bawhzui ngai a awm chuan bawhzuiin, action lakna tur ang chi pawh minister office tinte hian bawhzui zel an tum nia thudawn a ni.

A kaihhruai ZPM sawrkar lakluh a nih, December ni 8, 2023 khan CM Duhoma chuan thuthar thehdarhtute kawmin, ni 100 chhung a an tihhlawhtlin tur a puang a, chung zingah chuan, Minister tin office ah complaint box leh suggestion box dah a nih tur thu hi telin, rawt duh leh sawisel duh nei tan a dah theih dawn thu te, chungte chu uluk takin an en thin tur thu leh online hmanga tih theih pawh an tum dawn tih a puang a ni.