ZALEN March 24, 2025 : Mizoram sawrkar-a Chief Secretary Khilli Ram Meena chuan notification a tichhuak a, minister pasarih te department chanpual siksawi a ni a, chanpual neih belh an awm a, chan an awm bawk.

Home Minister K. Sapdanga department chan thin Disaster Management & Reahabilitation Department chu MInister of state Prof. Lalnilawma enkawl tawh tura tih a ni a, Prof. Lalnilawma chan thin Horticulture Department chu Minister C. Lalsawivunga enkawl tawh tura dah a ni a, a hma lama a enkawl thin District Council and Minority Affairs Deptt, Art & Culture Deptt leh Animal Husbandary & Veterinary Deptt te nen a enkawl chhunzawm ang.

Minister Lalrinpuii department chan thin Tourism Deptt. chu Minister of sate Lalnghinglova Hmar-in a chang tawh dawn a, a hma lama a lo enkawl thin LESDE, Sports & Youth Service Deptt. leh Excise & Narcotics Deptt. te nen a enkawl chhunzawm ang a, Minister Lalrinpuii hian Health & Family Welfare leh Social Welfare, Women & Child Development Deptt. chu a enkawl chhunzawm ang.

Minister of State F. Rodingliana chan thin Printing & Stationary Deptt. chu Information & Public Relation Deptt. nen chhunfin a nih takah chuan he Department hi Minister Dr. Vanlalthlana chuan a chang tawh dawn a, Information, Public Relation, Printing & Stationary Deptt. tih a dah a ni tawh a, School Education Deptt. Higher & Technical Education Deptt leh Information & Communication Technology Deptt te nena a chang ang. F. Rodingliana hian Power & Electricity Deptt leh Commerce & Industry Deptt te chu an chang chhunzawm ang.