February 6, 2024; Mizoram sawrkar a minister pawimawh tak a ni a, office dawhkan kher nilo, chawei dawhkan ah chawei pah thlengin file pawimawh a khawih mai thin.

School Education Minister a ni a, Higher Education, Taxation lam leh I&PR enkawltu a ni. Opposition lam a an thut lai pawhin, MLA thawkrim leh inzir nasa a ni tih House a a chet dan atangin a lang thin a, Assembly lehkha pawimawh tam tak pawh a chenna in lam a kawl tha a, zir chhunzawm thin a ni.

Aizawl North II bialtu Dr. Vanlalthlana hi ZPM sawrkarah minister naupang ber a nih a rinawm a, mithiam a ni a, chuti chung chuan a hun chep tak karah pawh inzir belh zel duh mi a ni.

Kar liam ta mai khan a enkawl Education department hmalakna tur leh hmachhawp te a lo puang tawh a, chuta thuthar thehdarhtute a kawmna ah chuan, "Zirtirtu kan lak turah ZPM in list a nei dawn lo a, a changtu minister pawhin list ka nei dawn lo, a thiam thiam lak an ni ang," tih lo sawi tawh tu a ni.