ZALEN July 30, 2025; Falkland venga khawsa mipa kum 60 bawr vel mi ruang chhar chu vawiin tlai khan vuiliam a ni.

Falkland veng atanga ZALEN thudawn danin, ruang chhar hi Sanji-a tia hriat, Jharkhand lam mi, Falkland a kum engemawzat hnathawk a awm tawh a ni a, tun Pathianni zan atang khan a chin hriat a ni lo a, zawn a nih hnuah vawiin chawhma khan Falkland leh Chite inrina, Lei thlang luikawr sirah a ruang hmuh a ni.

He thil thleng chungchangah hian police-ah thubuai thehluh a ni a, amah chesual nge, mi kuttuar tih chiang taka hriat theih mai a la ni lo.

Ruang an chhar, Sanjia tia hriat hi quarry a hnathawk ṭhin niin, niminpiah Thawhṭanni kha an khua Jharkhand a haw a tum ni niin, ticket pawh a la fel vek tawh a ni.

#ZalenNews