Aizawl August 12, 2022 : Vawiin  Mizo Hnam Runah inkhawmhun hmangtu Aizawl Mayor Lalrinenga Sailo, MNF Adviser ni bawk Mipui ten thu dik leh dik lo an thliarthiam tawh a, AMC-in hma a lak mek pawh hi tute emaw politicap party in politics-a hamthat lak an tumna a nih thu a sawi. 

Aizawl Mayor chuan, "Social media hi a chak tawh hle a, mipuite pawhin khawvel inlum let dan kan thliar hrang thiam tawh hle a, kan thang harh tulh tulh tawh a, thudik leh dik lo kan thliar thiam tawh hle a. Tuna AMC-in hma kan lak mek pawh hi tute emaw political party-in politics a hamthatna lak tum a, mipui rilru hruaikawi tumin dawt hmangin, social media hmun hrang hrangah AMC hmalakna thenkhat an vawrh darh thin," a ti a, hei tha a tih loh thu sawiin, "Kan khawpui a lo thianghlim theih nan chuan kan tan ho a tul a ni," a ti bawk.

Lalrinenga Sailo chuan, "Khawvel thang chho mek zelah Mizoram pawhin hma a sawn chho zel a, Mizoram khawpui ber Aizawl hi thang chho mek a nih avangin faina leh thianghlimnaah pawh hma kan lak nasat a ngai a ni a ti. Kan bawlhhlawh paih danah te leh kan chheh vel enkawl danah te mipui ten mawh kan phur a ni, a ti. 

Bawlhhlawh paihna chu tangkai taka hman a nih thu sawiin," Tunah pawh AMC chuan kan khawpui a lo thianghlim theih nan bawlhhlawh paihna hmun tur te a siam a, kan bawlhhlawh paih kha leithaah te kan sawng bawl leh thin. Kan bawlhhlawh paihte hi mi thenkhatin inhlawh nan te an lo hmang a, ei leh bar hmuh nan te an lo hmang leh thin a ni," a ti. 

Mayor Rinenga chuan Aizawl tuitlan lakna Tlawng luia bawlhhlawh paih a nih loh nan tlawng kam kawngpui hrulah len zar a ni vek dawn a. Hei hi thui tak thawh tawh a ni a ti.