Miss Diva Universe NE-ah Mizo designer Mami Khawlhring in Best Designer Award a dawng, Miss Diva Universe rim a hnai

July, 10: Mumbai-a neih tur India aiawha Miss Universe-a tel tur thlanna Miss Diva Universe NE-ah Mizo designer Mami  Khawlhring chuan Best Designer Award a dawng! Miss Diva Universe a lang ta ruih mai. Mizote kan thlen chin a sang zel e.  

Tun hnai khan hmarchhak atanga Miss Diva Universe-a tel tur thlanna Diva North East neih a ni a, Jennifer Ralte a tel a, mahse vanduai thlak takin top 10-ah a lang phain Top 5 ah a tla ta hlauh a ni. 

Hetih lai hian Mizo designer Mami Khawlhring erawh state hrang hrang atanga designer tha ber ber mi 8 zingah Best Designer Award pek a ni a, Mumbai a neih tur Miss Diva Universe-ah a tel zui theihna chance sang ta hle.

A design ho hi Femina Miss India Social Media page hrang hrang ah pholan sak a ni dawn bawk

Best Designer hian lawmman pawisa fai Rs. 1,00,000 bakah thilpek cheng nuai khat hu a dawng bawk. Miss Diva Universe thlanna hi Mumbai-ah neih a ni dawn a, heta winner hian Miss Universe thlannah India ai a awh ang. 

Kum dang ang lo takin tun kum chu North East State 8 tangin Designer 1 theuh thlang in competition an buatsaih a,hemi event chhung a contestant te thawmhnaw hak tur buaipui turin Designer 1 in mi 3 zel team an nei a,Categorie 3 a then niin Traditional, Cocktail Dress leh Evening Gown ten an ni. 

Judge te chu Natasha-Grover-Head of Brand, Times Group of Companies, Danita Rai-Miss India Universe 2022, Tiger Shroff-Bollywood Star, Mridula Baruah-Assamese Film Star leh Lovlina Borgohain-Olympic Gold Medalist Boxer te an ni.

Diva North East-ah hian official photographer chu Jeremy Hauhnar a ni a, videographer pahnih -  Anthony leh Peter te an kal bawk. Mizo tan chuan hlawhtlinna ropui tak a ni a, hmasawnna hmuh hmaih theih a ni lo.  

Miss North East Diva 2023 hi Pride East Entertainment leh Femina Miss India.org  tangkawp a buatsaih a ni a.