Poland nula Karolina Bielawska chu Miss World 2021 atan thlan a ni. 1st Runner-Up chu United States aiawhtu Shree Saini niin, Ivory Coast nula Olivia Yacé chu 2nd Runner-Up a ni - India nula Manasa Varanasi pawh top 13-ah a lang ve bawk. 

Jamaican nula Miss World 2020 Toni-Ann Singh chuan Karolina Bielawska hi crown a khum tir a, Toni-Ann Singh hian Ukraine thlawpna a lan tir bawk avangin mipui lawm a hlawh hle. Kum 23 mi Karolina Bielawska hi Polish zinga Miss World title la thei pahnihna chiah a ni a, a hmelah a lawm tih hmuh hmaih rual a ni lo. 

Miss World thlan vawi 70-na hi nikum December 16 khan neih tum a ni a, mahse Covid-19 avangin a hun sawn a ni a, March 16 khan San Juan, Puerto Rico (Coca-Cola Music Hall) ah neih a ni ta a ni.