February 19, Zirtawpnia buaina thlenna hmun enfiaha kal Synod mission board secretary Rev. C. Zorammawia hnen a tanga ZALEN thudawn danin, Ghamura police ten investigation an neih lai a a hmun a awm an duh a vangin naktuk Thawhtanni hian an missionary te Gharmura ah an chhuk thla ang.

Bungraw tihchhiatte chu police lamin investigation an la tan loh a vangin engmah khawih theih loh in a la awm tih Rev. C. Zorammawia chuan sawiin, school pawh sipaiin an la luah niin a sawi. “Mission compound a bungraw tih chhiat te hi Mizo Kristian rilru pu a a nihna ang taka kan chhutin cheng nuai 9 man hu vel a tling,” Rev. C. Zorammawia chuan a ti.

Gharmura, mission compound an beih na ah khan in pahnih leh lirthei hal a nih bakah, Mizo panga an hliam a, damdawi in a enkawl (admit) te pawh awmin, fimkhur thil ah Gharmura-a missionary chhungkuaa mi 41-te chu Mizoram-ah an rawn haw a ni.