ZALEN March 27, 2025; Ngengpuitlanga missionary hnathawk a awm, Lalruatkima (36) h/o Malsawmsangi Hnialum chu an bual in-ah tlu sualin a boral.

ZALEN thudawn danin, Lalruatkima nupui Malsawmsangi Hnialum hi Baptist Church of Mizoram (BCM) missionary niin, Ngengpuitlang, Lawngtlai district-a missionary thawk lai a ni.

Nimin khan an kohhran hnatlang-ah Lalruatkima hi a thawk a, tlai dar 5 vela inbual tura an bual in a a lut chu che sual palhin, a tlu sual thawm hria ten kawngkhar ti chhia a an hmuh chuan chhan theih a lo ni tawh lo.

A ruang hi tukin dar 9 vel khan an khua Mualthuam North, Lunglei district thlenpui niin, chawhma dar 11:30-ah vui a ni.

A chetsual dan tak hi chiang taka hriat theih a ni lo a, a tukhum-ah hliam tenau a awm. A nupui nen fa mipa pakhat an nei. Kohhran a in hmang tak niin, missionary an thawhna BCM Ngenpuitlang kohhranah pawh a kul a taia tang, kohhran khai dingtute zing a mi a ni,