ZALEN Feb 14, 2025; Nimin khan Lalfakmawia (59) Bungthuam (Mamit District) chu Bungthuam atang a Kanhmun lam km 3 vel a hla, leilawn hnuaiah thia hmuh a ni.

Thu lakna in a tarlan danin, Fakmawia hian VC inthlanah pawh vote thlakin, chumi hnuah vote chhiarnaah reilote a awm a, chumi hnu atangin hmuh zui a ni lo a, zanah a haw loh avangin a tukah chhungkhat laina ten an zawng a, nimin tlai dar 3 vel khan Bungthuam High School class-IX zirlai ten leilawn hnuai luia awm an hmu a ni.

Fakmawia hi mi kuttuar niin alanga, a nghawngah gamchha nghet takin a invet/ suih a, a tukhum lamah hmun nga velah hliam a awm.

A bike bullet chu Thinghlun thlen hma Kalaghat, Assam pengah hmuh a ni.

Tukin khan Kawrthah CHC ah postmortem neih a nih hnuah an in pui awmna Zawlnuam vengpuiah vawiin khan vuiliam a ni. A nupui leh fa pali a kal san.

#ZalenNews