ZALEN September 27, 2023 : August atanga Mizorama mitna hri 'conjunctivitis' leng chuan ziaawm lam a pan chho tawh a, September thla chhung pawhin a ni telin inentir an tlahniam mitna hri avanga inentir pawh an tlem chho zel niin thu dawn a ni.

August leh September thla chawhma lam khan Mizoramah mitna hri kai an tam a, sorkar damdawiina Eye OPD-a inentir zinga za zela 50 vel chu mitna hri kai an ni a. Mizoram chhunga sorkar damdawiin hrang hrang dinhmun an chhinchiah danin, September ni 4 atang ni 9 chhung khan Mitna hri avanga damdawiin pan mi 1569 an awm a, a kar lehah ziaawm chho in, September ni 11 atang ni 16 inkarah chuan mitna hri vanga damdawiin pan hi mi 1467 an awm a ni. September 17 atanga 23 inkar kha chuan damdawiin pan 1051-ah a tlahniam.

Health department hotute, mitna hri len tirh khan Aizawl district ah hri hi a leng nasa zual a, mitna hri vanga sawrkar damdawiin pan pawh an thahnem fal a, tunhnaiah erawh Aizawl ah a zia a, district dangah erawh mitna hri hi a zual chho deuh zawk nia a lan thu an sawi bawk a ni.