January 6, 2024; Lunglei Rahsiveng in vawiin a vui tur mitthi pathum (3) an nei a, an veng thenawm ten tukin ah thlan an laih pui.

Lunglei Rahsiveng YMA hruaitute hnen atanga thudawn danin, nimin leh nizan khan kum upa lam tawh mipa pahnih (2) an boral a, nizan ah lumen pui ve ve an ni.

Tukin ah an veng mi tho hmeichhia kum 46 mi chu a mu an kai tho zo lo a, ani nen hian vawiin a vui tur mitthi pathum (3) an nei ta a ni.

Tukinah thlan laih niin, an veng thenawm, Venglai, Venghlun leh Saizaikawn atangin thlan an laihpui.

Hetiang a ni khat (1) a vui tur mitthi pathum (3) nei hi veng leh khaw lian ah pawh thil thleng tam lo tak a ni.