ZALEN April 16, 2026: Mizo Carbon atanga thamna dawng anga an puh, khatihlaia Minister Zodintluanga Ralte chu vawiin khan District Court Aizawl chuan thiam a chantir.

Zodintluanga Ralte s/o Rothangpuia, Tuikual Aizawl hian 'Hruaitu Arsi' chanchinbu, 01.09.2017-a chhuakah, Mizo Carbon atangin hlawkna hmu anga a chungchang an ziah chu lungawi lovin, khatihlaia he chanchinbu Publisher M.C. Lalrinthanga, Khatla South leh Editor Lalthanzama Hnamte, Khatla South te lakah 18.09.2017 khan FIR a thehlut a ni.

He thubuai hi 24.04.2018 khan ngaihtuah tan a ni a, kum 8 hnuah thutlukna hi siam a ni a, Zodintluanga Ralte hi court chuan vawiin khan thiam a chantir a, he chanchinbu a thu ziaktute hi District Court, Aizawl chuan lung in tan aiah pawisa a chawitir a ni.