Mipui nghahhleh Mizo Film Award 2023 sem hun tur chu tihchian a ni ta - September 29, Zirtawpni zanah sem a ni dawn. Mizo Film Award 2023 atan hian inbuatsaihna pawh ngawrh taka kalpui mek zel niin, August thla chhungin nomination peih fel hman beisei a ni.  

Mizo Film Award hi Tlau Entertainment buatsaihin December 2021 khan sem a lo ni tawh a, hemi hnu lama film chhuakte hi kuminah chuan a huam dawn a ni. December 2021 leh August 2023 inkara Mizo film chhuak zawng zawngte a huam dawn tihna a nih chu. 

December 2021 atanga December 2022 inkar khan Mizo film 30 vel zet a chhuak a, kuminah pawh film eng emaw zat a chhuak leh tawh. Heng zing atanga hian a tha ber ber thlan chhuah a ni dawn a, a ngaihnawm dawn.

Mizo Film Award 2023 hi Vanapa Hall-ah sem a ni leh dawn a, a hmunah mipui tam zawk an kal theih nan ticket awm tura ruahmanna siam a ni.