September 29, Zirtawpni zan hian Vanpa Hall-ah Mizo Film Award 2023 sem a ni dawn a, hemi atan hian September 8, 2023 zan khan nomination puan a ni. Nominee te hi vote theih an ni a, September 17, 2023, Pathianni zan dar 12:00 thleng hun hawn a ni. 

Nominee te hi Tlau Entertainment YouTube channel-ah tarlan an ni a, 'community' ah lutin duh zawng vote mai tur a ni. Mipui vote hian 30% lai a pu a, kawngro a su thui thei viau dawn a ni. Category 12 zinga pakhat People Choice Award phei chu mipui vote hmang liau liaua thlan tur a ni - i film duh ber vote ve rawh le.