Zo Event Org. leh Runmawi Apps tangkawp buatsaihin a tum thum nan Mizo Hit chart July chu sem chhuah a ni leh ta. Gospel lamah Jonathan Lianhna a che tha ber a, pakhatna leh pahnihna a hauh! 

Mizoram Synod Choir chu pathumna an ni a, Nancy Zothanmawii pawhin top 10-ah hla 3 ngawt a nei bawk. Nancy Zothanmawii hi hun rei tak chhung a reh vang vang hnuah a rawn comeback pui hle a, May leh July chhungin YouTube-ah entu ngah berte zinga mi a ni. 

Lengzem lamah Youngfella bawk a langsar leh a, a hla pali (4) zet chu top 10-ah an lang leh vang tawh. Rebecca Lallawmsangi nena an sak 'Min hrilh rawh' tih chu No. 1 a ni a, Zaii Hauchhum nena an sak 'Val Senior' chu pahnihna a ni. 'Super Heroes' singer Fakriel Hrahsel chu pathumna-ah a inhlangkai chho bawk. 

July thla tawp lama tihchhuah SaiWanah leh Mary Dawngi te hla hit 'Ka Pa Khuma' pawh top 10-ah a inhangkai nghal bawk.