ZALEN July 8, 2025 : Mizoram ai awiha fehchhuak hmeichhe boxer pali te chuan an coach Lalthlengliana chu an lakah zahmawh rawngkaia che mawi lo a puhin an lungawi lohna Child Welfare Committee hnena an thlen hnuah Protection of Children from Sexual Offences (POCSO) Act case-in FIR thehluh a ni.

Boxer pali te zualkona chuan Child Welfare lama an dinhmun an han thlen hian an lo ngai thutak hle tih a sawi a, police women cell lamah FIR an thehlut nghal a, Lalthlengliana hi vawiin tlai dar li vel khan man nghal a ni.

ZALEN-in thu a dawn danin ram pum huap boxing a inbuatsaihin hun engemaw chen boxer te an camp a, hetah hian an coach hi an lakah mawi lo takin che thin niin heng boxer hmeichhia te zualkona chuan a sawi.

State pawna a hruaina lamah pawh coach chu boxer hmeichhiate lakah hian a che mawi lo thin niin complain ziahluh a ni bawk a. He hmuna a chet dan hi chu Mizoram police lam hian an thuneihna piah lam a nih avangin an khawih tel dawn lo.

Thudawnna chuan Mizoram Boxing Association (MIZBA) lamin hmeichhe coach atana ruat a ni hi a dik lo hrim hrim a ti a, hei vang hian MIZBA lakah pawh hian FIR thehlut duh pawh an awm hial mai thei a ti bawk.