October 27, 2022; Mizo journalist, New Capital Complex a an chhungkua a khawsa mek, Editorial Consultant, Press Trust of India, Henry L. Khojol chuan India ram pum huap journalist hnathawk tha chawimawina tunhnai khan New Delhi ah a dawng.

Henry L. Khojol hian 'Award for Excellence in Journalistic Reporting on Smuggling and Counterfeiting Issues' ah lawmman pakhatna dawngin, award hlantute hi 'Federation of Indian Chambers of Commerce and Industry (FICCI) an ni a, September 23, 2022 khan New Delhi ah hlan a ni. 

FICCI hian  smuggling leh counterfeit (fake products) ten India economy a nghawng nasat zia veiin, smuggling leh counterfeit dona/ tihremna atan a peng pakhat 'Committee Against Smuggling and Counterfeiting Activities Destroying the Economy' (CASCADE) tih chu kum 2011 khan a din a. FICCI CASCADE hian kum 2013 bawr vel atang khan smuggling leh counterfeit products dona a hma la tha enoforcement officers leh zirlai naupangte hnenah chawimawina a hlan thin a, kumin atangin journalist category siamin chawimawna an pe tan a, Henry L. Khojol hi journalist huang bik a award (first prize) dawng hmasa ber a ni.

Kumin ah hian India rampumah journalist 6 hnenah chawimawina hlan an ni a, hetiang; First prize- Henry L. Khojol, Editorial Consultant, Press Trust of India, Second prize- Ahmed Ali, Correspondent, Times of India (Mumbai), Third prize - Trideep Lahkhar, chief correspondent, PTI (Guwhati).