Mizo Rock Fans te tan hla thar peih fel a ni ta, rei lo teah Local Channel lamah leh You Tube lamah hmuh theih thuai a ni dawn. Mizo thalai Heavy Metal lama tui te tan ngaihthlak tur hla thar  'Mangtha Nun Hlui Duhawm' tih chu a rawn chhuak dawn e.

Mizo in hard rock band tlem te kan neih zinga mi Juggernaut guitarist Thakima Khiangte chuan a hla thar “Mangtha Nun Hlui Duhawm”  tih chu a rawn ti chhuak a, hun rei tak music a play tawh loh hnuah recording lam buaipui chho ve leh in songster thar tha em em mai Zaii Z Chhakchhuak a rawn thawhpui a ni. 

An hla rawn tih chhuah tur hi kum 2016  kuma phuah tawh niin, live music leh rock emaw havy metal lam ngaina tan chuan hmaih phal chi a ni lo. Classic Rock style a arrangement hi siam a ni a, Mizo tawng ngei a phuah Heavy Metal hla kan neih tlem te zing a mi a nih a rinawm.

Recording hi Tluangtea Hnamte (Westend Studio, Tuikual South) hnena tih a ni a, videographer atan hian Anthony WOWv hman niin, video hi Pu Zodina Sailo sponsor a ni bawk.