Aizawl September 7, 2023: Mizo lam hrang hrang, Mizo zai leh rimawite entir turin Senhri Folk & Cultural Troupe, Art & Culture Department te chuan vawiin September 2023 hian India chhuahsanin Milan, Italy an pan.

He festival hi Consul General of India, Milan, ltaly leh North East Institute of Fashion Technology (NEIFT) te tangrualin an buatsaih ‘North East India Festival’ Milan, Italy-a neih tur hia September 9. 2023 hian neih a ni dawn a. He hunah hian Indian Council for Cultural Relations (ICCR), Ministry of External Affairs, Govt. of India sawm leh tirhin Senhri Folk & Cultural Troupe, Art & Culture Department te hi tirh an ni. 

Mizoram Troupe te chauh hi he programme-a North East State  aiawha lam tura sawm an ni a. Mizo thalaite an tel theih na tura hma laksaktu Chief Minister chungah Art & Culture Department chuan lawmthu an sawi. Mizo troupe te hi September 13, 2023 ah India lam panin an rawn haw leh ang.