ZALEN July 24, 2024; 2024; 'Ride to clean air’ tih thupui hmanga thirsakawr-a India ram fang mektu, Vanlallawmzuala Varte (LZa) s/o VL Chhuanawma, Mission Veng chu km. 12,465.04 a in khalh tawh.

LZa hian January 25, 2024 khan Aizawl a chhuahsan a, nimin thleng khan km. 12,465.04 a tlan tawh a, a tlan chen tur a chhut za a 72.88 a tlan tawh.

Lza Varte hian tluang taka a tlan theih chuan kumin Agust thla ah India ram fan chhuah theih a inbeisei tih ZALEN a lo hrilh tawh.

Chawhrualin LZa Varte hi nitin km 100.39 tlan ziah ang a ni a, ni 21.2.2024 khan km 158.49 a tlan a, hei hi ni khata a tlan thui ber a la ni.

January ah km 528.58 a tlan a, February ah km 2,609.56, March ah km 2,625.97 leh April ah km 2,269.73, May ah km 1,825.62, June ah km 1,151.21 leh July (23.7.24 thleng) in km 1,154.23 a tlan tawh.

Tarlan tawh angin Lza hian nimin khan khawvela lirtheiin a zawh theih hmun sang ber Umling La a inkhalh thleng. Thirsakawr-a Lza inkhalh ang thleng phak hi Mizo zingah midang an la awm hriat a ni lo a, thirsakawr ngat a Umling La thleng pawh hi Mizo dang an awm hriat a ni lo bawk.