November 16, 2023; Lawngtlai district, Pangkhua a khawsa kum 115 mi ni a hriat Pi Famiangi chu, tun dinhmun a Mizoram a damrei ber nia hriat a ni.

Pangkhua Village Council Member te hnen atanga a thudawnna The Lawngtlai Post in a tarlan danin, Pi Famiangi hi a EPIC ah chuan kum 1920 a piang anga ziahluh nimahse, EPIC siamlai vel hian a pian kum diktak hriat a nilova, EPIC buaipuitu lam ten an rin thuin a pian kum an dah mai nia a an hriat  thu an sawi a, Pangkhua khawtlangin Pi Famiangi kum hi an theih ang anga kum upa lam te leh a fate biaa an chhut danin kum 1910 hnulama piang chu ni theia an ngaihloh thu an sawi a, kum 115 emaw a aia upa hret emaw a an ngaih thu an sawi.

Pangkhua khawtlang hruaitute chuan Pi Famiangi hian inthlan a ngaipawimawhin vote thlak ngei hi a duh thin tih an sawi a tun tum Assembly inthlanpui neih ah pawh phurtakin vote a thlak tih an sawi.

Hriat theih chinah kum 115 mi nia ngaih Pi Famiangi hi tun dinhmun a Mizoram a damrei (upa ber) nia hriat a ni.