Aizawl September 13, 2023: Ayushman Bhava Campaign chu vawiin khan India President Droupadi Murmu-in a hawng a. Video conferencing hmanga he hun hman zawh anih hnu hian State Level Physical Launching Program buatsaih chhunzawm a ni a, Mizoram-a TB natna vei te chhawmdawlna pe tha te hnenah lawmman sem a ni. Dr. Laxmi Narayan Rathore, Mizoram University-a thawk chu mimal anga chhawmdawlna pe tha ber a ni.

State level-a Physical Launch Programme hi Esther Lal Ruatkimi, Principal Secretary, H&FW-chuan a kaihruai a. He programme-ah hian state chhunga PM TB Mukt Bharat Abhiyan hnuaia mimal, pawl leh district anga hnathawk tha zual te hnenah Governor Dr. Hari Babu Kambhampati chuan lawmpuina leh chawimawina a hlan a. 

Pradhan Mantri TB Mukt Bharat Abhiyaan hnuaia thawk tha te -

1. Mimal anga TB damlo support hnem ber - Dr. Laxmi Narayan Rathore, Mizoram University (TB damlo 50 a support mek)

2. Corporate/ Organisation/Institute anga TB damlo support hnem ber - Mizoram Rural Bank (TB damlo 102 an support mek)

3. Community support atana damlo pawmpuina lak tamna ber district - Serchhip district (tuna damlo an neih zawng zawng 24 te an vaiin an pawmpuina lak vek an ni - 100%)

4. TB damlo pawmpuina la atanga damlo support tamna ber - Mamit District (damlo an neih zawng zawng 28 ten support na an dawng vek - 100%)

5. District a Nikshay Mitra/Doner register tamna ber - Aizawl District ( Doner 95 an awm mek)