September 6, 2022; August ni 20, 2022 thlengin Mizoramah Myanmar raltlan 29,253 an awm mek a, mi 30,177 te ID card pek an ni tawh.

Vawiin Assembly session a VL Zaithanzama zawhna Home minister Lalchamlianan ziaka a chhan danin, ni 20.8. 2022 thlengin Deputy Commissioner ten an chhinchhiah Home department a an thehluh angin, Mizoram ah Myanmar raltlan 29,253 an awm mek a, raltlan te chhinchhiah hna zawh thawkhat ni tawhin, hetihlai hian raltlan te hi rawn lut thar leh haw chho an awm reng avangin a tahtawl a chhinchhiah hna kalpui chhunzawm zel a ni.

Ni 20.8.2022 thlenga Deputy Commissioner ten an chhinchhiah Home department a an thehluh ang chuan, raltlan te hi a zavaiin 30,401 chhinchhiah an ni tawh a, ID card pekchhuah 30,177 a tling tawh.

Home minister chhanna ah chuan Myanmar raltlan te chhawmdawlna leh tanpuina cental atanga dawn a nih leh nih loh hriat a ni lova, Disaster Management & Rehabilitation (DM&R) in Rs. 3,00,00,000 an sem tih hriat a ni tih tarlan a ni bawk.