July 21, 2023; Mizoram BJP chuan an office bul a AAP te chet dan chungchangah vawiin tlai khan Aizawl SP ah FIR an thehlut a. Dan anga an chunga action la turin an ngen.

FIR an thehluh a an tarlan danin, vawiin khan Mizoram BJP office, Upper Republic, Aizawl tualah Aam Aadmi Party (AAP) Mizoram inti mi eng emaw zat an pungkhawm tih tarlangin, BJP demna thu te an auchhuah pui tih an tarlang.

Mizoram BJP chuan vantlang hmuna punkhawm phalna DC, Aizawl hnen atangin AAP te hian an la lo tih tarlangin, aurinna hman phalna an nei lo chungin an hmang niin an tarlang bawk.

Upper Republic to Raj Bhavan kalkawng hun rei tak chhung an dan chah thu te, governor security atan pawh pawi thleng thei nia an ngaihthu te an tarlang a, dan phalna hnuaia demonstration an neih loh avangin, Zirtawpni apianga BJP Mizoram in political session an neih thin pawh a tihbuai thu te, party programme a tih khaihlak thute an tarlang.