Hriatirna

Mizoram Sawrkarin Healthcare System thar a duan chungchanga Sawrkar hnathawkte dinhmun memberte hriat tur tlangpui chu ni 23.4.2025 khan in hriattir a lo ni tawh a. Hemi hnu hian hmalakna leh Sawrkar atangin thuchhuah thar te awm belh leh tawhin, vawiin ni 4.8.2025-a Medical Atteridance chungchanga Sawrkar hnathawkte dinhmun chu a hnuaia mi ang hi a ni e:

1. Ni 23.06.2025 ah Notification No.D.12016/3.2025-HFW/112 hmangin Sawrkarin Mizoram Universal Healthcare Scheme Review Committee a din thu chhuah a ni a. He Review Committee ah hian FMGE&W rawtna angin kan aiawhin President leh Secretary General te telh an ni.

FMGE&W General Headquarters hnuaia MUHCS zirchiang tu pawl, Core Committee Report-in MUHCS System siamthat ngai a tih te chu FMGE&W aiawhte hian Review Committee ngaihtuah atan an thlen thin a ni.

2. Office Memorandum No. D./12016/6/2025-HFW(MUHCS)/11 dated 14.7.2025 chuan hetiang hian a tarlang a: 

Review Committee on MUHCS in a rel angin Mizoram Universal HealthCare Scheme hman tan ni, 1 April, 2025 atanga Sawrkar hnathawkte leh an chhungte (dependent family member), empaneled Hospital ni lova lo inenkawl tawh te medical reimbursement bill chu mahni thawhna Department-ah MR Bill form pangngai hmangin thehluh theih a ni a. Chung Bill te chu Head of Department/Head of Office ten Chairman, MUHCS Review Committee ah an thehlut ang a.. Review Committee hian damlote inenkawlna senso pek dan tur chu a tul angin a ngaihtuah thin ang.

A chunga sawi tak 'medical reimbursement bill thehluh thẹih' tih hian 1st April 2025 atanga he thuchhuah ni thleng a damlote inenkawlna senso a huam ang. Hemi hnu ah erawh chuan No.D.12019/5/2024-MSHCS/MUHCS-3 dated 15.5.2025-in a sawi angin empanelled hospital ni lova in admit te chu empaneled hospital atanga Doctor in a refer na emaw, HFW Notification No.D./12016/6/2025-HFW(MUHCS)/10 dated 14.7.2025 in a sawi angin Sawrkar hnathawkte leh an chhungte damlo an admit atanga darkar 48 chhungin Mizoram State Healthcare Society-ah pha lak hnu ah chauh Medical Reimbursement bill hi ngaihtuah theih a ni ang.

He thuchhuah hian 1st April 2025 atanga damlo mangang tamtak har sutkian beisei niin, tunah hian Chairman, Review Committee hnenah Sawrkar hnathawkte MR Bill engemawzat thehluh a ni tawh a. Heng bill te hi Committee in en ho in pek dan tur a ngaihtuah dawn a ni.

3. Notification No.D./12016/6/2025-HFW(MUHCS)/10 dated 14.7.2025 chuan hetiang hian a tarlang a:

Governor of Mizoram chuan Mizoram Universal Healthcare Scheme Guidelines 10.3.2-ah hetiang hian thubelh a siam:

10.3.2 (i):

Nunna atana hlauhawm (life threatening case) / emergency case/tul bik ni a Review Committee in a hriat te-ah chuan Non-Empanelled Hospital remchang apiang pan theih a ni ang. Dilna hi Mizoram State Healthcare Society ah thehluh tur a ni a, a hmuna kal thei lo tan hospital-a in admit atanga darkar 48 chhungin Google Forms hmangin online-in thehluh theih a ni ang.

Sawrkar thuchhuah kan sawi hmasak zawk, (Sl.No.3) in a sawi Notification chu hei hi a ni a. 14.7.2025 hnulam-a Non-Empaneled Hospital pan ngai te chuan darkar 48 chhungin an in report a ngai thung a ni. Hemi atana in report na tur leh Google forms hi FMGE&W chuan a la dawnglo. He thuchhuah a nih hnu a, in report dan tur felfai taka siam a la nih loh thu hỉ Chairman, Review Committee leh Adviser to CM(Fin) hnenah thlen a ni tawh bawk a ni.

4. FMGE&W duhdan angin MUHCS hi engvang pawhin lo tawp ta se, Sawrkar hnathawkte chu CS(MA)Rules ah kan let leh tur thu Finance Department atangin thuchhuah siam a ni.

5. Review Committee thurel angin Family Declaration chungchangah Finance Department atangin thuchhuah siam a ni a. Hetah hian thuchhuah hmasa lama lang lo, CS(MA)Rules 1944-a tel sa si, stepmother leh stepchildren te family member a an tel thu chhuah a ni tawh a. Amaherawhchu, Family' chungchangah hian FMGE&W atangin rawtna dang, ngaihtuah leh ngai a la awm avangin ngaihtuah ho leh tura dah a ni.

6. Investigation leading to hospitalisation chungchang pawh ngaihtuah that leh atan dah a ni.

A chunga kan sawi tak bakah hian Sawrkar hnathawkte'n MUHCS avanga harsatna kan tawh chungchang report dawn lual a ni a. Harsatna nei chuan a rang lamin Chairman, Review Committee on MUHCS hnenah thlen zel turin kan in ngen in kan in hriattir e.