Aizawl August 25, 2022 : Aizawl West II Block Congress Committee chuan vawiin khan Special Conference an hmang a, hun hmanpuitu MPCC President Lalsawta chuan, Mizoram mamawh ber chu system tha a nih thu sawiin, "Mizoram hi taima leh rinawmte dinchhuahna ramah kan siam thei a, system tha hi kan mamawh ber chu a ni," a ti.

MPCC President Lalsawta chuan, "Pathian leh mipui laka politician-te mawhphurhna chu ram rorelna tha siam a ni. Pathianin hnam tin ram leh mipui min pe a, chung thil pahnih enkawla hmang tangkai (manage) thiam apiang chuan ram nuam leh ram hmasawn an siam thin. Kan ram hi dinhmun chhe takah a ding mek a, hemi siam thaa Mizoram hi tungding turin kan rama eirukna leh sum um atchilhna hi tihbo a, kan rawngbawlsak mipuite la retheihzia hriaa retheih leh hah huamte'n hma kan lak a ngai a, Congress hruaitute'n kan inhuam a ngai," a ti.

"Mipuiten eizawnna nghet an neih theih nan Cooperative Society leh MSME te nasa taka kan uar a, thlai thar zawrhna leh sawngbawlna rintlak buatsaih a ngai a. Ram mipui hi chuan Politics a inchirh theh Ieh inpuhna chhe pui pui hi hawisan a, an hnathawha bur ngar ngar hi an duh a ni. Hmasawnna leh eizawnna ngelnghet neihna turah ngaihtuah ngai pawimawh pahnih - Environment humhalh leh Taima te leh rinawmte hlawhtlinna ramah kan ram hi kan siam a ngai a, Ram rorelna tha nei tur chuan sawrkarin thuneihna insemzai (Decentralisation) hi a tihpuitlin a pawimawh a ni," a ti bawk.

Mizoram mamawh ber chu system tha a nih thu sawiin, "Mizoram hi taima leh rinawmte dinchhuahna ramah kan siam thei a, System Tha - Hei hi kan mamawh ber chu a ni," a ti.