Aizawl; Mizoram ah kum 2014-15-a Mizorama lirthei awm zat chu 1,51,486 a nih laiin, kum 2019-20 a lirthei awm zat chu 2,69,223 a tling tawh. Kum 5 chhunga lirthei punna hi 1,17,737 (43.73%) a tling. Lirthei awm zawng zawng zinga 1,86,265 (69.18%) chu Aizawl urban area chhunga awm a ni.

Transport department chhinchhiah danin, 2019-20 chhunga lirthei register thar zat chu 31,753 tlingin, chung zinga 20,346 chu Aizawl urban registration a ni. Hemi hun chhung vek hian Lunglei district-ah lirthei registration ti thar 2,911 awmin, Siaha district-ah 918, Champhai district-ah 1,493, Kolasib district-ah 1,417, Serchhip district-ah 1,273, Lawngtlai district-ah 1,057, Mamit district-ah 686 leh Aizawl rural-ah 1,652 a awm.

Kum 2019-20 chhung khan Mizoramah driving license pek chhuah thar 12,833 awmin, learner license pek chhuah 39,369 pek chhuah a awm a. 2019-20 thlenga Mizoram a driving license pek chhuak tawh zat chu 1,97,341 a tling tawh bawk.

Aizawl urban-ah 2019-20 thleng khan driving license 93,842 pek chhuah a awm tawh a, Lunglei district-ah 23,731 a awm a, Siaha district-ah 5,905 awmin, Champhai district-ah 13,494, Kolasib district-ah 19,902, Serchhip district-ah 17,514, Lawngtlai district-ah 5,266, Mamit district-ah 6,897 leh Aizawl rural-ah 4,338 a awm.

Lirthei dinhmun: 2019-20
District DTO Lirthei zat
Aizawl urban (MZ-01) - 1,86,265
Lunglei (MZ-02) - 23,731
Siaha (MZ-03) - 5,905
Champhai (MZ-04) - 13,494
Kolasib (MZ-05) - 15,542
Serchhip (MZ-06) - 9,011
Lawngtlai(MZ-07) - 5,043
Mamit (MZ-08) - 6,382
Aizawl rural (MZ-09) - 3,850