Aizawl: Mizoram ah Covid-19 a luh lohnan Mizorama Muslim awm te chuan hma lain fimkhur turin an in chah.

Muslim Welfare Society of Mizoram leh Aizawl Mosque Committee a Secretary General hna chelh mek Mamon Majumdar chuan Zalen zawhna chhangin Mizoram chhunga Muslim awm te chu inkhawm lo tur leh biakin khar tur te, biakin ah tawngtai lo tur leh pawn lam mi pawh sawm lut lo turin an hriattir vek tih a sawi a. Thenawm state a awm te pawh Mizoram tlawh hrih lo turin an hriattir niin a sawi bawk.

Mamon Majumdar chuan tuna Mizorama la awm mek te pawh haw lo turin an chah niin an sawi bawk a. Tunhnaia Nizamuddin khawmpui ah chuan Mizoram atangin tumah kal an awm lo tih sawiin ni dangah chuan kal an awm thin a, tun tumah erawh chuan an zawhkual vek pawhin tumah kal an awm lo niin ZALEN a hrilh.