December 7, 2022; Mizoram police chuan kumin chhungin hmun hrang hrangah dan lova Myanmar kuhva rah tawlh ruk bag 4,522 chuang, Rs. 4,92,79,675 man hu man an nei tawh.

Police thuchhuah tarlan dnain, Kumin January - November chhungin Mizoram police chuan district hrang hrang, Aizawl, Champhai, Khawzawl, Saitual, Serchhip, Hnahthial, Kolasib, Mamit ah te Myanmar kuhva ro an man tawh a, Lawngtlai, Lunglei leh Siaha district ah te man an la nei lo thung.

Hemi hun chhung a Myanmar kuhva ro Mizoram police in an man tawh zawng zawng chu bag 4,522 leh nylon bag te chi 20 niin, chung chu Rs. 4,92,79,675 man a ni a, thubuai 5 ziaklut tawhin, mi 8 man an nei tawh.

Mizoram police chuan district hrang hrang Magistrate ten an district chhunga dan phal loh kuhva rah phurh luh leh district kaltlanga phurh khapna order tihchhuah a ni tawh tih tarlang bawkin, dan lova kuhva rah phurh titawp vek turin theihtawp an chhuah zel dawn tih an tarlang bawk.

Mamit district chu Myanma kuhva ro an man tam ber niin, kumin chhungin bag 1,075 (kg 86,000), Rs. 2,21,25,000 an man tawh a, Aizawl district ah bag 408 (kg 27,840, Rs. 65,28,000 man, Champhai district ah bag 187 (kg 12,050) leh nylon bag te 20, Rs. 22,68,000 man, Khawzawl district ah bag 570 (kg. 28,500), Rs. 65,55,000 man, Saitual district ah bag 920, Rs. 73,02,875 man, Serchhip district ah bag 357 (kg 19,820), Rs. 10,48,800 man, Hnahthial district ah bag 70 (kg 2,800), Rs. 1,12,000 man, Kolasib district ah bah 935 (kg. 33,300), Rs. 33,40,000 man hu te man a ni tawh.