Aizawl August 12, 2023 : Environment, Forest & Climate Change Minister T.J. Lalnuntluanga chuan Zirtawpni khan Karnataka Forests thawktute chu Bangalore-ah kawmin Mizoram sahuana Sakeibaknei lakluh a nih theih dan tur a sawipui.

He hunah T.J. Lalnuntluanga chuan Mizoram Forest Department tih hmasawn a nih theihna tura Karnataka Forest Department-in hna an kalpui dan hrang hrangte an sawiho. Aizawl Zoo-a dah tur Sakeibaknei Karnataka atanga lakluh a nih theih nan ramsa inthlengtawnna, animal exchange neihpui-ah Karnataka sawrkara PCCF Rajiv Ranjan chu a sawm a, Rajiv Ranjan chuan a theih anga hmalak dun a remtih thu a lo hrilh a ni.