ZALEN March 11, 2025; Finance minister Lalduhoma'n tun dinhmuna Mizoram sawrkarin leiba a neih zat chu Rs. Vbc. 12082.26 a ni tih house a hrilh.

Siaha bialtu MLA Dr. K Beichhua zawhna chhangin finance minister, chief minister ni bawk Lalduhoma chuan Mizoram sawrkarin leiba (debt stock) a neih zat chu actuals 2023-24 anga chhut a ni tih a sawi.

Leiba neihna te : (Finance minister tarlan dan)

- Market Borrowings = Rs. 5871.41 crore

- Loans from Centre = Rs. 1774.36 crore

- NSSF :Rs. l02.82 crore

- Borrowings from Financial Institution/ Banks = Rs. 954.87 crore

- Public Accounts Liabilities = Rs. 3378.80 crore

Chief minister chuan, "2024-25 kal mek a BE ai hian kan RE hi Vbc. 1003.94 in a tlem zawk. Chumi awmzia chu tun financial year ah hian kan leibat cheng vaibelchhe sang chuangin kan titla hniam tihna a ni," tiin a sawi.