Aizawl July 22, 2023 : Mizoram sawrkara Home Commissionar, H. Lalengmawia chuan vawiin khan All Mizoram Manipuri Association te chu inbiakna a neihpui a, himna leh venhimna an pek tur thu a hrilh a, thu leng vanga avanga buai lo turin a hrilh a, Meitei sawrkar hnathawk leh zirlai te chu Mizoram chhuahsan lo turin a hrilh.

Home Commissioner hian vawiin khan Peace Accord MNF Returnees Association (PAMRA) te chu an Press Release chhuah avangin a ko a, he thuchhuah an siamah hian Meitei te chu Mizoram chhuahsan tura tih anga ngaih theih tur a awm nia a lan vang a ni. PAMRA te chuan an Press Release siam chu Mizoram-a Meitei te Manipur-a buaina chhuak avanga an himna tura fimkhur tura an ngenna a ni, an ti a, Mizoram chhuahsan tura an tihna a nih loh thu an sawi a ni.

Home Commissioner hian PAMRA aiawh te hi Sawrkarin chi leh chi buaina avanga an hmalakna te a hrilh a, PAMRA aiawh te chuan an Press Release siam ngaihkawih theia a awm chu pawi an tih thu an sawi a, an Press Release siam chu state chhunga remna leh muanna tichhe thei zawnga siam an nih loh thu Home Commissioner hi an hrilh a ni.

Hemi hnu hian Home Commissioner hian All Mizoram Manipuri Association te chu ko ve lehin an himna an ngaihtuahsak tur thu a hrilh bakah Mizoram chhuahsan lo tur hian a hrilh ve leh a ni.