Aizawl June 14, 2023: Vawiin khan Mizorama cheng Meitei Mipuite aiawhin an hruaitute chuan Raj Bhavan-ah Governor Dr Hari Babu Kambhampati an kawm a, Manipur state-ah remna leh muanna a awm theih nan President of India hnenah ngenna an siam chu Governor sak turin an ngen.

Mizorama Meitei Hruaitute chuan Governor hnenah hian Manipur buaina chu thinlung taka pawi an tih thu sawiin remna leh muanna a awm leh thuai an duh ber tih an sawi a. Remna leh muanna duh, Mizo Mipuite zingah an cheng chu vannei an in tih thu sawiin an thla a muang tih an sawi a. Tunhnaiah Mizoram Sawrkar hotulute, YMA hotute leh Zirlai Pawl Hruaitute an biak tawh thu te, an tawngkam chhuak leh an lo dawnsawn danah te an thlamuan thu an sawi bawk a ni.

Mizoram Meitei Welfare Hotute hian Manipur state-ah a rang thei ang bera remna leh muanna a awm theih nan President of India hnenah ngenna an siam a. An ngenna hi Lehkha a ziakin Governor chu thehluh sak Turin an ngen a ni.