Aizawl : Nimin khan Forest Minister TJ Lalnuntluanga chuan PCCF Conference Hall, Tuikhuahtlangah ‘Mizorama Nungcha Humhalhna Hmun Bikte Chanchin’ tih K. Lalmuansanga, ASEP President ziah chu a tlangzarh. He lehkhabu-ah hian Mizoram chhunga National Park pahnih, Tiger Reserve pakhat leh Wildlife Sanctuary pariat kan neihte a chuang a ni.

Tlangzarh inkhawm hi ASEP General Secretary B. Lalhminghlua chuan a kaihruai a. Minister bakah Principal Secretary & PCCF Liandawla IFS in thu a sawi a, a bu ziaktu K. Lalmuansanga’n lehkhabu buatsaih dan chungchang a sawi bawk.

Tlangzarhtu minister chuan Mizorama kan la neih loh kan nungcha humhalhna hmunte a hlawma bu khata chhiar theih tura buatsaih a ni chu lawmawm a tih thu a sawi a. He lehkhabu hi kan ram tan mellung pawimawh leh nungcha humhalhna kawngah hmanraw tangkai tak a nih a beisei thu a sawi.

He hunah hian forest official pawimawh thenkhat leh ASEP member-te an tel a, lehkhabu hi Rs. 200/- man a ni.