Aizawl: Mizoram Covid-19 vei (positive) hmuh tawh zat chu 903 niin enkawl dam 420 leh vei mek 483 an awm a, Covid vei tihdam (recovery rate) zat hi 46.51 % a ni. Zirtawp zan khan Mizoram ah Covid-19 positive 8 hmuh chhuah a ni.

Covid 19 positive 8 hmuhchhuah zinga 6 hi ZMC Laboratory a hmuh chhuah niin, Aizawl district 5 leh Serchhip district 1 te an ni a. Rapid Antigen Test hmangin Kolasib ah hnamdang driver kum 48 mi positive 1 hmuh a ni a, Vairengte ah Frontline Healthcare Worker Mizo mipa 1 kum 38 mi positive hmuh chhuah a ni bawk.

Aizawl district a positive 5 hmuh chhuahte zinga 1 hi Tuikual North a cheng mipa kum 57 mi, positive contact atanga kai a ni a. Positive dang 1 chu Salem Veng hnamdang mipa kum 46 mi, Kolkata atanga lo kir, quarantine facility a awm a ni a. Tuikual South hnamdang mipa 1, kum 30 mi, Kolkata atanga lo kir, quarantine facility a awm chu a positive bawk a. Tuirial ah BSF mipa 2, kum 34 leh 39 mi, UP atanga lo kir, quarantine mekte chu an positive bawk. Serchhip district a positive hmuh chhuah 1 chu Chhingchhip a awm hnamdang mipa kum 24, Badalpur atanga lo kir, quarantine facility a awm lai a ni.Zirtawpni khan Lunglei TrueNAT PCR hmangin sample 33 test a ni a, positive hmuhchhuah thar an awm lo.

Tun dinhmunah Mizorama Case neih tawh zat 903 niin heng zinga 747 hi mipa niin 156 chu hmeichhia an ni a. District hrang hranga vei mek awm zat chu Aizawlah vei mek 290, ; Lunglei ah vei mek 29, Siaha ah vei mek 1. Champhaiah vei mek 4, Kolasib ah vei mek 140, Serchhip ah vei mek 6,; Lawngtlaiah vei mek 10, Mamit ah vei mek awm lovin dam tawh 21; Khawzawlah vei mek awm lo, dam tawh 3; Hnahthialah vei mek 2, Saitualah vei mek 1, , a vaiin vei mek 483 hi an ni.