Aizawl: Mizoramah COVID-19 vei (positive) hmuh tawh zat chu 1,835 niin enkawl dam tawh zat 1,289 a ni a, tun dinhmunah enkawl mek 546 awmin enkawl dam zat (recovery rate) hi 70.24% a ni. Zirtawpni zan khan Mizoram hmun hrang hrangah COVID-19 positive thar 49 hmuhchhuah a ni a, heng zinga 42 hi force mi an ni.

September 25, 2020 khan ZMC RT-PCR laboratory-ah sample 1,163 test a ni a, COVID-19 positive thar 37 hmuh chhuah a ni a, Rapid Antigen Test hmangin positive 2 hmuh chhuah a ni bawk a. District hrang hrang TrueNAT laboratory-ah COVID-19 positive hmuh chhuah thar 10 an awm.

ZMC Laboratory-a positive hmuh chhuah tharte hi Aizawl district-a sample lak vek, mipa 34 leh hmeichhia 3 an ni a. September 18, 2020-a sample laksakte an ni. Positive contact atanga positive hmuh chhuahte hi Durtlangah mi 2, hmeichhia ve ve, kum 58 leh 75-a upa, home quarantine lai ve ve an ni a, symptoms an nei lo. Republic Vengah 1, hmeichhia kum 51-a upa, home quarantine lai a ni a, symptoms a nei lo. Quarantine Facility-a awm positive hmuh chhuahte hi Assam Rifles 27, mipa vek, kum 29-55 inkar, symptoms nei lo vek leh 61 BN BSF sipai 7, mipa vek, kum 24-39 inkar, symptoms nei lo vek an ni.
TrueNAT Laboratory-a COVID-19 positive hmuh chhuahte hi Lunglei district-ah mipa 1, kum 18-a upa, Assam atanga lo kal ni a. Quarantine facility-a awm lai mekte niin, COVID-19 symptom nei lo a ni. Serchhip district-ah mipa 8, kum 26-55 inkar, BSF sipai vek an ni a. Uttar Pradesh, Haryana, Rajasthan, Himachal Pradesh,Tamil Nadu leh Maharashtra atanga lo kal, quarantine lai, symptom nei lo an ni. Lawngtlai district-ah hmeichhia 1, kum 27 a upa, Assam atanga lo kal, quarantine lai, symptom nei lo a ni.

RAgT positive hmuh chhuahte hi Aizawl district-ah mipa 1, kum 42-a upa, Assam Rifle hmun Khatlaa khawsa, misitiri a ni a. Tun hnaia zin chhuahna nei lo, zin chhuah tum vang zawka R. Dengthuam Hall-a mahni in-test a ni. Lawngtlai district-ah mipa 1 kum 20-a upa, Jharkhand-a cheng, BRO hnuaia hna thawk, quarantine facility-a awm mek, symptom nei lo a ni bawk.

Tun dinhmunah Mizoramah Covid-19 hei kai 1835 awm tawhin heng zinga 1501 hi mipa an ni a, 334 chu hmeichhia an ni. District hrang hranga Covid -19 dinhmun chu Aizawlah vei mek 414, dam tawh 830; Lungleiah vei mek 61, dam tawh 123; Siaha ah vei mek an awm tawh lo a, dam tawh 123; Champhaiah vei mek 1, dam tawh 16; Kolasib-ah vei mek 12, dam tawh 203; Serchhipah vei mek 28, dam tawh 16; Lawngtlaiah vei mek 12, dam tawh 30; Mamitah vei mek 7, dam tawh 31, Khawzawlah vei mek 1, dam tawh 3; Hnahthialah vei mek 3, dam tawh 2, Saitualah vei mek 7 dam tawh 4 awmin Mizoram pumah a vei enkawl lai 546 leh dam tawh 1,286 an awm a ni.