Aizawl: Rajya Sabha MP K.Vanlalvena chuan Mizoramah ramhmul damdawi sawngbawlna hmun ‘processing plant’ din a ni dawn tih a sawi.

Tun hnaia Mizoram Journalists’ Association (MJA) hruaitute nen an inkawmnaah he thu hi sawiin Rajya Sabha MP chuan, “Mizorama ramhmul damdawi siamna industry din tura central lam hotute ka ngenna chu tun hnai khan an rawn chhang a. Industry hi chu din theih a ni lo tih rawn sawiin mah se, ramhmul damdawi sawngbawlna tur ‘processing plant’ erawh din an remti tih an rawn sawi a. Ramhmul damdawi sawngbawlna atan hian unit khat zelah nuai 400 zel min tumsak thei dawn a, a senso hi a vaiin sawrkar laipui tum tur a ni,” a ti.