Aizawl: Vawiin ni 28.09.2023 a Mizoram Journalists' Association Coordination committee vawi 11-na, Lawngtlai Press Club a neih chuan Mizoram sawrkarin MJA Member te tan pension pek a remtih vangin lawmthu an sawi.

MJA Coordination Committee chuan hetiang hian resolution an pawm.

September 27, 2023 (Nilaini)-a Mizoram sawrkar Council of Minister thukhawmin Mizoram TV Journalist Pension Scheme 2023 a pawm ta hi MJA Coordination Committe, vawiin ni 28.9.2023 a Lawngtlai Press Club a neih chuan lawmawm a ti tak zet a, thinlung takin Mizoram sawrkar chungah lawmthu a sawi a ni.

Mizoram Journalist Pension Scheme 2023 a hlawhtlin theihna tura hma latu hrang hrang - Chief Minister leh Finance Minister Zoramthanga, IPR Minister Lalruatkima, IPR Department officer te, Finance Department leh Law & Judicial Department hotute, leh journalist-te min duhsaktute zawng zawng chungah kan lawm tal zet a ni.

Mizoram Journalist Pension Scheme hi a taka hman thuai kan nghakhlel hle a, a tak taka kan hman thuai theih nan chak taka min bawhzuisak zel turin Mizoram sawrkar thuneitute kan ngen nghal a ni.

MJA Coordination Committee hi MJA President C. Lalrambuatsaiha chuan a kaihruai a, Treasurer C. Lalhmachhuana chuan sum dinhkun report a pe a. General Secretary Lalrimmawia Sailo in hmalakna report a pe bawk.