Aizawl: Nimin khan Dr. Vanlaltanpuia MLA Lunglei North bialtu, MYC Chairman ni bawk chuan Haulawng Saichhoh hmun a Horticulture Dept hnuaia Centre Of Excellence for fruits (COE) a tlawh. MLA hi L. Lalhmingmawia Pachuau Divisional Horticulture Officer leh J.H. Zo-siamliana Progect Officer COE te chuan lo dawng sawngin, CEO hmuna an hmalakna hrang hrangte enkual puiin an hrilhfiah.

Dr. Puitea chuan COE hmalakna te chu fakin lawmawm a tih thu a sawi a. Kuthnathawktute tana malsawmna ni zel thei turin theihtawp chhuah chhunzawm zel turin thawktute pawh a fuih a ni. MLA chuan a bial chhunga Mizoram tana asset pawimawh COE for fruits awm chu lawm-awm a tiin a enzui zel tur thu leh mamawh leh tul an nei a nih pawha inthla-hrung lova amah hrilh thin tur leh theihtawp chhuahpui zel a inhuam thu a sawi bawk.

COE hi kum 2015-2016 ah bul tan niin 7.3.2018 khan hawn a ni a, a enkawlna amah a intungnung chho (Self Sustain) tur a nih angin thawktu ten theihtawp an chhuah a, tunhnai kum khat chhungin hmasawnna tam tak neiin farmer te mamawh thei leh thlai tiak engemawzat siam chhuah a ni a. Bul tan chauh a ni na in kumkhat chhungin 8.5 lakhs an hmu chhuah tawh a, farmer training ah Tomato 50qtls thar chhuah a ni bawk. COE chhung hi 11.43Hecters a zau a ni chungin fai leh tha taka enkawl mek a ni.