Aizawl: Manpower Development Board Vice Chairman leh Aizawl West-I Bialtu MLA Zothantluanga chuan nimin khan a bial chhunga damdawi In pahnih, Seventhday Hospital, 7th Day tlang, Vaivakawn a mi leh Ebebezer Hospital, Chawnpui te tlawhin hmui tuamna (mask) leh kutkawr (glove) eng emaw zat a pe.

Covid-19 avanga harsatna hrang hrang thleng mekah, damdawi in lama thawktute tan pawh hmui tuamna (mask) lei tur a harsa em em a. He harsatna hi hriain Aizawl West-I Bialtu MLA chuan hmui tuamna puan than engemaw zat leiin, Zotlang venga puanthui thiam ten a thlawna thui sakin a bial huam chhunga veng hrang hrangah a sem hnuin nimin khan damdawi in ah hian a sem leh a ni.

Aizawl West-I bialtu MLA hian nimin vek khan a bial chhunga awm Mizoram University chu tlawh lehin, India ram hmun hrang hrang atanga lo kal University-a tang khang mek te leh University a cheng mekte tan hian buhfai bag 3, Alu bag 1, Dal bag 1, Purunsen bag chanve, Tel case 1 leh Silpauline a hlan bawk