Aizawl: Aizawl West III bialtu MLA VL Zaithanzama chuan nimin khan a bial chhunga Nursery Veng kawng zauh hnathawh a enpui.
Covid 19 hripui leng avanga mi tam takin harsatna kan tawh lai leh nitina inhlawh leh kuthnathawktu ten hna an thawh theih loh laiin harsatna zualpui phuhruk nan bialtu MLA ruahmannain inhlawhna kawng laih hna thawh a ni a, Tlangsiama road, Nursery leh Khatla South inkalpawhna kawng lirthei tlan theih lohna chu motor tlan theiha siam turin hmalak a ni. Nursery veng, Local Council, Branch YMA, Kohhran leh mi tlawmngai te telna Nursery veng Local Task Force kaihhruainain kawng zauh hna hi thawh tan a ni. Lockdown vanga mi tam takin hna thawk thei lova an awm laia bialtu MLA ruahmanna leh hmalakna hi Local Task Force leh veng chhung mipuiten lawmawm an ti hle a ni.
VL Zaithanzama chuan a bial chhunga Covid 19 hrileng vanga harsatna tawk leh ?anpui ngai te tan a inhawn reng thu a sawi a, mipuite mangang lo turin a chah. Kawng laih zauh hna hi a remchan anga thawh chhunzawm zel tur a ni a, he kawng hi Nursery veng tan mai ni lo, veng thenawm leh Aizawl tlak lam tana kawng tangkai leh pawimawh tak tur a ni.